ڈکی بھائی کی ذہنی صحت سے متعلق اقرار کنول کے ہوشربا انکشافات

مشہور یوٹیوبر ڈکی بھائی اور ان کی اہلیہ عروب جتوئی کی قریبی دوست اور بزنس پارٹنر اقرار کنول نے پہلی بار عوام کے سامنے ڈکی بھائی کی ذہنی صحت کے بارے میں بات کی ہے۔

 اقرار کنول نے کہا کہ جیل کے دوران پیش آنے والی مشکلات اور قانونی دباؤ نے ڈکی بھائی پر گہرا اثر چھوڑا ہے۔ ان کے مطابق اس وقت ڈکی بھائی کو سکون، پرائیویسی اور وقت کی سخت ضرورت ہے۔

انہوں نے کہا کہ جیل میں ہونے والی تکالیف اور دباؤ کا تجربہ صرف ڈکی بھائی محسوس کر سکتے ہیں، ڈکی بھائی اور عروب اس وقت میڈیا یا عوام سے ملاقات کے لیے تیار نہیں ہیں۔ اس وقت وہ اپنے خاندان کے ساتھ وقت گزارنا چاہتے ہیں اور جب وہ بہتر ہو جائیں گے تو سب کچھ کھل کر بیان کریں گے۔

مداحوں نے سوشل میڈیا پر ڈکی بھائی کی ذہنی صحت کے حوالے سے گہری تشویش کا اظہار کیا۔ مداحوں نے ڈکی بھائی اور عروب کے لیے دعائیں کیں۔

واضح رہے کہ ڈکی بھائی پر الزام تھا کہ انہوں نے مبینہ طور پر ایک غیر قانونی جوا ایپ کو پروموٹ کیا، جس کے بعد نیشنل سائبر کرائم انویسٹی گیشن ایجنسی (NCCIA) نے ان کے خلاف قانونی کارروائی کی اور ان کی آن لائن سرگرمیوں کی تحقیقات شروع کیں۔