معروف پاکستانی اداکارہ لائبہ خان کا مدینہ میں نکاح، دلہا کون ہے؟ تفصیلات سامنے آگئیں

پاکستانی شوبز انڈسٹری کی معروف اداکارہ لائبہ خان نے نکاح کر لیا۔

اداکارہ نے اپنے انسٹاگرام اکاؤنٹ پر نکاح اور دعائے خیر کی تصاویر شیئر کیں، جس پر مداحوں اور دیگر فنکاروں نے انہیں نیک خواہشات اور مبارکباد پیش کیں۔

دعائے خیر کی تقریب میں لائبہ خان نے ہلکے موو پنک رنگ کا نفیس فل لینتھ انارکلی لباس زیب تن کیا، جس پر باریک سنہری اور تلہ کا کام کیا گیا تھا۔ اداکارہ نے اپنے دلہن کے روپ کو سنہری روایتی موتیوں کے لاکٹ، جھومر اور جھمکوں کے ساتھ مکمل کیا، جو ان کو اور بھی دلکش بنا رہا تھا۔

 

View this post on Instagram

 

A post shared by Laiba Khan (@laibaakhanofficial)

اداکارہ نے پہلے سوشل میڈیا پر اپنے نکاح کا اعلان کیا تھا۔ پوسٹ کے مطابق ان کا نکاح بابرکت شہر مدینہ منورہ میں ہوا۔ اگرچہ لائبہ خان نے اپنے دولہا کے بارے میں زیادہ تفصیلات فراہم نہیں کیں، تاہم سوشل میڈیا پر شیئر کی گئی تصاویر سے معلوم ہوتا ہے کہ اداکارہ کے دولہا کا نام جواد ہے۔

 

View this post on Instagram

 

A post shared by Laiba Khan (@laibaakhanofficial)

شادی کی خبر سوشل میڈیا پر کافی وائرل ہو گئی ہے اور مداح ان کے لیے نیک تمناؤں کا اظہار کر رہے ہیں۔