ایرانی تنصیبات پر تازہ امریکی حملوں کے بعد عالمی مارکیٹ میں تیل کی قیمتوں میں اضافہ

ایران کی فوجی تنصیبات پر نئے امریکی فضائی حملوں کی خبروں کے بعد عالمی مارکیٹ میں خام تیل کی قیمتوں میں دو فیصد تک کا اضافہ ریکارڈ کیا گیا ہے۔

جمعرات کی صبح ابتدائی کاروباری سیشن کے دوران خام تیل کی قیمتوں میں تقریباً دو فیصد کا نمایاں اضافہ دیکھنے میں آیا ہے۔

یہ تیزی ان رپورٹس کے بعد آئی ہے، جن کے مطابق امریکی افواج نے ایران کی ایک فوجی تنصیب پر نئے فضائی حملے کیے ہیں۔

یہ بھی پڑھیں : ایران جنگ نے خلیجی ممالک کو اپنی علاقائی اور دفاعی حکمت عملی بدلنے پر مجبور کر دیا

کاروباری اوقات کے آغاز پر برینٹ خام تیل کے سودے 1.90 سینٹ یعنی 2.02 فیصد اضافے کے ساتھ 96 ڈالر 19 سینٹ فی بیرل پر پہنچ گئے۔

اسی طرح امریکی ویسٹ ٹیکساس انٹرمیڈیٹ خام تیل کی قیمت بھی ایک ڈالر 73 سینٹ یعنی 1.95 فیصد بڑھ کر 90 ڈالر 41 سینٹ فی بیرل ہو گئی ہے۔

ماہرین معیشت کے مطابق مشرق وسطیٰ میں بڑھتی ہوئی اس فوجی کشیدگی اور سپلائی متاثر ہونے کے خدشات کی وجہ سے تیل کی قیمتوں میں مزید اضافے کا رجحان برقرار رہ سکتا ہے۔