لبنان میں جنگ بندی حزب اللہ کے مکمل خاتمے سے مشروط ہے، اسرائیلی سفیر

واشنگٹن میں متعین اسرائیلی سفیر یشیل لیٹر نے دعویٰ کیا ہے کہ لبنان میں جنگ بندی مکمل طور پر حزب اللہ کے مکمل خاتمے سے مشروط ہے۔

امریکی محکمہ خارجہ کی جانب سے اسرائیل اور لبنان کے درمیان جنگ بندی سے متعلق جاری کردہ بیان کے بعد، واشنگٹن میں اسرائیل کے سفیر یشیل لیٹر نے سوشل میڈیا پلیٹ فارم ایکس پر اپنے ردعمل کا اظہار کیا ہے۔

یہ بھی پڑھیں : ایران اور لبنان میں جنگ کا خاتمہ ایک ساتھ ہونا ضروری ہے، ایرانی وزیر خارجہ

اسرائیلی سفیر نے امریکی ثالثی میں ہونے والی ان گفتگو کو اسرائیل اور لبنان کے درمیان امن کے عمل کو آگے بڑھانے کے لیے ایک اور اہم قدم قرار دیا، لیکن ساتھ ہی انہوں نے واضح کیا کہ یہ پورا معاہدہ حزب اللہ کے وجود کے خاتمے پر منحصر ہے۔

ان کا کہنا تھا کہ یہ جنگ بندی مکمل طور پر اسرائیل کی طرف فائرنگ کی مکمل بندش اور حزب اللہ کو مکمل طور پر ختم کرنے کی شرط سے مشروط ہے۔