آبنائے ہرمز میں امریکہ اور ایران کے حملوں کے بعد عالمی مارکیٹ میں خام تیل مہنگا

امریکہ اور ایران کے درمیان آبنائے ہرمز میں ہونے والے حالیہ فوجی حملوں اور بحری آمد و رفت میں رکاوٹ کے باعث عالمی مارکیٹ میں خام تیل کی قیمتوں میں اضافہ دیکھا گیا۔

عالمی منڈی میں خام تیل کی قیمتیں ایک بار پھر بڑھ گئی ہیں، جس کی بنیادی وجہ آبنائے ہرمز میں امریکہ اور ایران کے درمیان ہونے والے پے در پے فوجی حملے ہیں۔ ان حملوں کے باعث اس اہم عالمی آبی گزرگاہ سے تجارتی جہازوں کی آمد و رفت شدید متاثر ہوئی ہے۔

یہ بھی پڑھیں : آبنائے ہرمز پر صرف ایران کا کنٹرول رہے گا، کسی بھی مداخلت پر سخت جواب دیں گے، عباس عراقچی

تازہ ترین اعداد و شمار کے مطابق برینٹ خام تیل کی قیمتوں میں 58 سینٹس یعنی 0.8 فیصد کا اضافہ ہوا ہے، جس کے بعد اس کی قیمت 72.57 ڈالر فی بیرل تک پہنچ گئی ہے۔

اسی طرح امریکی ویسٹ ٹیکساس انٹرمیڈیٹ خام تیل کی قیمت بھی 88 سینٹس یعنی 1.3 فیصد بڑھ کر 70.11 ڈالر فی بیرل ہو گئی ہے۔

گزشتہ ہفتے برینٹ تیل کی قیمتوں میں 10.6 فیصد کی بڑی کمی دیکھی گئی تھی، کیونکہ فروری کے آخر میں ایران پر شروع ہونے والی امریکہ اسرائیل جنگ کے بعد اس گزرگاہ سے تیل کی ترسیل ریکارڈ سطح پر پہنچ گئی تھی۔