100 روپے کے پرائز بانڈ کی قرعہ اندازی، خوش نصیب فاتحین کا اعلان
Good News for Rs 100 Bondholders
100 روپے مالیت کے پرائز بانڈ کی تازہ قرعہ اندازی کے نتائج جاری کردیئے گئے ہیں۔ قرعہ اندازی 17 اگست 2026 کو ملتان میں ہوئی، جو 100 روپے کے پرائز بانڈ کی ڈرا نمبر 55 تھی۔
اس قرعہ اندازی میں پہلے انعام کی مالیت 7 لاکھ روپے مقرر تھی، جبکہ دوسرے انعام کے تین فاتحین کو 2،2 لاکھ روپے دیے جانے ہیں۔ تیسرے انعام کے تحت 1199 خوش نصیبوں کو ایک ایک ہزار روپے ملیں گے۔
تازہ نتائج کے مطابق 732900 نمبر کا پرائز بانڈ پہلا انعام جیتنے میں کامیاب رہا۔ دوسرے انعام کے لیے 252196، 427125 اور 875106 نمبر کے بانڈز کا انتخاب ہوا۔
تیسرے انعام کے تحت ایک ہزار روپے کے 1199 انعامات رکھے گئے ہیں۔ مکمل تفصیلی فہرست قومی بچت کی جانب سے جاری کردہ ڈرا لسٹ سے دیکھی جاسکتی ہے۔
پرائز بانڈ پاکستان میں بچت کے ساتھ انعام جیتنے کا موقع فراہم کرنے والا ایک مالیاتی ذریعہ ہے۔ 100 روپے کے پرائز بانڈ سمیت مختلف مالیت کے بانڈز کی سال کے دوران مقررہ تاریخوں پر قرعہ اندازی ہوتی ہے۔ قومی بچت کے مطابق موجودہ اسکیم میں 100، 200، 750 اور 1500 روپے کے پرائز بانڈز جبکہ 25 ہزار اور 40 ہزار روپے کے رجسٹرڈ پریمیم پرائز بانڈز دستیاب ہیں۔
پرائز بانڈ کی اصل رقم برقرار رہتی ہے اور ہر بانڈ کو متعلقہ قرعہ اندازی میں انعام جیتنے کا موقع ملتا ہے۔ تاہم کسی مخصوص بانڈ کے انعام جیتنے کی ضمانت نہیں ہوتی۔
شہری پرائز بانڈ نیشنل سیونگز سینٹرز، اسٹیٹ بینک آف پاکستان کے متعلقہ دفاتر اور مخصوص کمرشل بینکوں سے خرید سکتے ہیں۔ کسی قرعہ اندازی میں شامل ہونے کے لیے بانڈ کا متعلقہ ڈرا سے کم از کم 60 دن پہلے جاری ہونا ضروری ہے۔
انعام جیتنے والے افراد مقررہ کلیم فارم، شناختی کارڈ کی نقل اور اصل انعامی پرائز بانڈ کے ساتھ متعلقہ ادارے سے رجوع کرسکتے ہیں۔ قومی بچت کے مطابق 1250 روپے تک کی انعامی رقم نیشنل سیونگز سینٹر، مجاز بینک برانچ یا اسٹیٹ بینک کے متعلقہ دفتر سے حاصل کی جاسکتی ہے، جبکہ اس سے زیادہ رقم کے لیے اسٹیٹ بینک کی متعلقہ برانچ سے رجوع کرنا ہوتا ہے۔ انعام کا دعویٰ متعلقہ قرعہ اندازی کی تاریخ سے چھ سال کے اندر کیا جاسکتا ہے۔
قومی بچت کے مطابق پرائز بانڈ کی انعامی رقم پر ٹیکس بھی عائد ہوتا ہے۔ ایکٹو ٹیکس پیئر لسٹ میں شامل افراد کے لیے شرح 15 فیصد جبکہ نان فائلرز کے لیے 30 فیصد ہے۔ یہ ٹیکس انعامی رقم کی ادائیگی کے وقت منہا کیا جاتا ہے۔
Catch all the کاروبار News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
