سونے کی قیمت میں ہزاروں روپے کی بڑی کمی ہوگئی

کراچی: ملک میں سونے کی قیمت میں نمایاں کمی ریکارڈ کی گئی ہے، جس کے بعد فی تولہ سونا 4 لاکھ 58 ہزار 236 روپے کا ہوگیا۔

صرافہ مارکیٹ کے مطابق سونے کی فی تولہ قیمت میں 3 ہزار 700 روپے کی کمی ہوئی، جبکہ 10 گرام سونے کی قیمت بھی 3 ہزار 172 روپے کم ہوکر 3 لاکھ 92 ہزار 863 روپے ہوگئی۔

دوسری جانب عالمی مارکیٹ میں بھی سونے کی قیمت میں کمی ریکارڈ کی گئی۔ عالمی مارکیٹ میں سونا 37 ڈالر سستا ہوکر 4 ہزار 358 ڈالر فی اونس کی سطح پر آگیا۔

سونے کے علاوہ ملک میں چاندی کی قیمت میں بھی کمی ہوئی۔ فی تولہ چاندی کی قیمت 186 روپے کم ہوکر 6 ہزار 800 روپے ہوگئی۔