مسلم لیگ ن کے رکن پنجاب اسمبلی چوہدری محمد حنیف جٹ انتقال کرگئے
مسلم لیگ ن کے چیچہ وطنی سے رکن پنجاب اسمبلی چوہدری محمد حنیف جٹ انتقال کرگئے۔
خاندانی ذرائع کے مطابق چوہدری محمد حنیف جٹ کو اچانک حرکت قلب بند ہونے کا سامنا کرنا پڑا۔ طبی امداد کی کوششوں کے باوجود ان کی حالت بہتر نہ ہوسکی اور وہ انتقال کرگئے۔
مرحوم کی نماز جنازہ آج بعد از نماز عصر آزادی چوک اسٹیڈیم چیچہ وطنی میں ادا کی جائے گی۔ نماز جنازہ میں سیاسی و سماجی شخصیات، مسلم لیگ ن کے کارکنان اور شہریوں کی بڑی تعداد کی شرکت متوقع ہے۔
چوہدری محمد حنیف جٹ پنجاب اسمبلی کے حلقہ پی پی 203 سے مسلم لیگ ن کے ٹکٹ پر منتخب ہوئے تھے۔ وہ چیچہ وطنی کی مقامی سیاست میں متحرک کردار ادا کرتے رہے اور اپنے حلقے کے مسائل کو پنجاب اسمبلی میں اجاگر کرتے تھے۔
چوہدری محمد حنیف جٹ کے انتقال کی خبر سامنے آنے کے بعد سیاسی و سماجی حلقوں میں بھی افسوس کا اظہار کیا گیا ہے۔ مرحوم نے چیچہ وطنی کی سیاست میں فعال کردار ادا کیا اور رکن پنجاب اسمبلی کی حیثیت سے اپنے حلقے کی نمائندگی کی۔
وزیراعلیٰ پنجاب مریم نواز نے بھی چوہدری محمد حنیف جٹ کے انتقال پر افسوس کا اظہار کیا ہے۔ اپنے تعزیتی بیان میں انہوں نے سوگوار خاندان سے ہمدردی اور تعزیت کا اظہار کیا اور مرحوم کے اہل خانہ کیلئے صبر کی دعا کی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
