کاروباری ہفتے کا پہلا روز؛ سونے کی قیمت میں بڑا اضافہ ہوگیا

ملک میں سونے کی قیمت میں ایک بار پھر اضافہ ریکارڈ کیا گیا ہے۔

صرافہ مارکیٹ کے مطابق فی تولہ سونا 800 روپے مہنگا ہو کر 4 لاکھ 93 ہزار 962 روپے کا ہو گیا ہے، جس سے سونا مسلسل مہنگائی کے رجحان پر برقرار ہے۔

اسی طرح 10 گرام سونے کی قیمت میں بھی 686 روپے اضافہ ہوا ہے، جس کے بعد نئی قیمت 4 لاکھ 23 ہزار 492 روپے ہو گئی ہے۔

اس کے علاوہ فی تولہ چاندی کی قیمت 8049 روپے پر مستحکم ہے۔

دوسری جانب عالمی مارکیٹ میں سونا 8 ڈالر اضافے سے4716 ڈالر فی اونس کی سطح پر آگیا۔