ایرانی ریال خریدنے والوں کیلئے بڑی خبر آگئی

ایران اور امریکا کے درمیان حالیہ امن معاہدے کے بعد مالی منڈیوں میں ایرانی ریال کی طلب میں نمایاں اضافہ دیکھا جا رہا ہے۔

ایکسچینج کمپنیز ایسوسی ایشن آف پاکستان کے چیئرمین ملک بوستان کے مطابق معاہدے کے ابتدائی دنوں میں ہی بڑی مقدار میں ایرانی ریال کی خریداری ہوئی۔ پہلے دن ہی تقریباً 40 ارب ریال کی خرید و فروخت ریکارڈ کی گئی تھی۔

بعد ازاں صرف چار دن کے اندر ملک بھر میں مجموعی طور پر 2 کھرب ایرانی ریال کا لین دین سامنے آیا ہے۔ اس سے ظاہر ہوتا ہے کہ مارکیٹ میں اس کرنسی کے حوالے سے سرگرمی بڑھ گئی ہے۔

ذرائع کے مطابق ایرانی ریال کی قیمت میں بھی بہتری دیکھی جا رہی ہے۔ حالیہ دنوں میں ایک کروڑ ریال کی مالیت میں تقریباً 1500 روپے کا اضافہ ہوا ہے۔ اب ایک کروڑ ریال کی قیمت تقریباً 4000 روپے تک پہنچ گئی ہے۔

ماہرین کا کہنا ہے کہ اگر ایران اور امریکا کے درمیان تعلقات میں بہتری کا سلسلہ جاری رہا تو ایرانی ریال مزید مضبوط ہو سکتا ہے۔ اس کے ساتھ ساتھ مارکیٹ میں اس کی مانگ بھی برقرار رہنے کا امکان ہے۔

دوسری جانب بڑے سرمایہ کار اور ٹریڈرز اس موقع سے فائدہ اٹھانے کی کوشش کر رہے ہیں۔ لوگ مستقبل میں مزید منافع کی امید پر بڑی مقدار میں ایرانی ریال خرید رہے ہیں۔