سیمنٹ کی قیمتیں بلند سطح پر برقرار

ملک بھر میں سیمنٹ کی قیمتیں اب بھی بلند سطح پر برقرار ہیں۔

 تازہ مارکیٹ رپورٹ کے مطابق 50 کلوگرام سیمنٹ کی ایک بوری مختلف برانڈز اور شہروں کے حساب سے 1,350 روپے سے 1,570 روپے تک فروخت ہو رہی ہے۔ قیمتوں میں معمولی فرق ضرور دیکھا جا رہا ہے، تاہم مجموعی طور پر سیمنٹ اب بھی مہنگا فروخت ہو رہا ہے، جس سے تعمیراتی شعبہ متاثر ہو رہا ہے۔

مارکیٹ ذرائع کے مطابق بیشتر شہروں میں سیمنٹ کی اوسط ریٹیل قیمت 1,390 سے 1,450 روپے فی بوری کے درمیان ہے۔ مختلف علاقوں میں قیمتوں کا فرق کئی عوامل کی وجہ سے سامنے آتا ہے۔ ان میں ٹرانسپورٹ کے اخراجات، مقامی طلب، سپلائی کی صورتحال اور کمپنیوں کی قیمتوں کی پالیسی شامل ہیں۔ اسی لیے ایک ہی برانڈ کی قیمت مختلف شہروں میں مختلف ہو سکتی ہے۔

تازہ قیمتوں کے مطابق لکی سیمنٹ کی فی بوری قیمت 1,500 سے 1,540 روپے کے درمیان ہے۔ بیسٹ وے سیمنٹ 1,430 سے 1,570 روپے تک فروخت ہو رہا ہے۔ میپل لیف سیمنٹ 1,570 روپے فی بوری کے حساب سے دستیاب ہے، جو اس وقت مہنگے برانڈز میں شمار کیا جا رہا ہے۔

 فوجی سیمنٹ کی قیمت 1,440 سے 1,540 روپے، ڈی جی خان سیمنٹ 1,440 سے 1,480 روپے، پاک سیمنٹ 1,430 سے 1,560 روپے جبکہ پیدار سیمنٹ 1,380 سے 1,505 روپے فی بوری فروخت ہو رہا ہے۔