مشرق وسطیٰ کی کشیدگی کے باعث خام تیل کی قیمتوں میں مسلسل اضافہ

مشرق وسطیٰ میں کشیدگی بڑھنے کے باعث عالمی منڈی میں خام تیل کی قیمتیں 97 ڈالر فی بیرل سے تجاوز کر گئی ہیں۔

مشرق وسطیٰ میں مسلسل بڑھتے ہوئے تنازعات اور سپلائی متاثر ہونے کے خدشات کی وجہ سے عالمی مارکیٹ میں خام تیل کی قیمتوں میں اضافہ دیکھا جا رہا ہے۔

یہ بھی پڑھیں : خام تیل کی قیمت 120 ڈالر فی بیرل تک جانے کا خدشہ

خبر رساں ادارے کے مطابق برینٹ کروڈ کے مستقبل کے سودوں میں 34 سینٹ یعنی 0.35 فیصد کا اضافہ ہوا، جس کے بعد قیمت 97.34 ڈالر فی بیرل تک پہنچ گئی۔

دوسری جانب امریکی خام تیل یعنی ویسٹ ٹیکساس انٹرمیڈیٹ کی قیمت میں 1.15 ڈالر یعنی 1.26 فیصد کا اضافہ ریکارڈ کیا گیا، جس کے بعد اس کی قیمت 92.63 ڈالر فی بیرل ہو گئی۔