پاکستان میں سونے کی قیمت میں ایک ہزار روپے فی تولہ کمی

کراچی: پاکستان میں سونے کی قیمت میں منگل کے روز ایک ہزار روپے فی تولہ کمی ریکارڈ کی گئی، جس کے بعد فی تولہ سونا 4 لاکھ 62 ہزار 136 روپے کا ہوگیا۔

آل پاکستان جیمز اینڈ جیولرز صرافہ ایسوسی ایشن (APGJSA) کے مطابق 10 گرام سونے کی قیمت بھی 857 روپے کم ہوکر 3 لاکھ 96 ہزار 207 روپے ہوگئی۔

عالمی مارکیٹ میں بھی سونے کی قیمت میں کمی دیکھی گئی، جہاں فی اونس سونا 10 ڈالر کی کمی کے بعد 4 ہزار 396 ڈالر پر آگیا۔

واضح رہے کہ پیر کے روز بھی پاکستان میں سونے کی قیمت میں 2 ہزار 400 روپے فی تولہ کمی ہوئی تھی، جس کے بعد فی تولہ سونا 4 لاکھ 63 ہزار 136 روپے کا ہوگیا تھا۔

دوسری جانب چاندی کی قیمت میں اضافہ ریکارڈ کیا گیا۔ مقامی مارکیٹ میں چاندی کی فی تولہ قیمت 10 روپے بڑھ کر 7 ہزار 69 روپے ہوگئی۔