سال 2025 میں مداحوں سے بچھڑنے والی معروف شخصیات

سال 2025 پاکستان کے لیے ایک افسوسناک سال ثابت ہوا۔ اس دوران فن، سیاست، معیشت، ادب اور کھیل سے تعلق رکھنے والی کئی نامور شخصیات دنیا سے رخصت ہو گئیں۔ ان شخصیات کے انتقال سے مختلف شعبوں میں گہرا خلا پیدا ہو گیا۔

سیاسی میدان میں معروف رہنما عرفان صدیقی، میاں منظور وٹو، میاں محمد اظہر اور آغا سراج درانی اس سال وفات پا گئے۔ ان رہنماؤں نے ملکی سیاست میں طویل عرصے تک خدمات انجام دیں اور مختلف اہم عہدوں پر فائز رہے۔

معاشی شعبے میں بھی ایک بڑا نقصان ہوا۔ معروف ماہرِ معیشت اور اسٹیٹ بینک آف پاکستان کی پہلی خاتون گورنر شمشاد اختر کا انتقال ہوا۔ ان کی خدمات کو ملکی اور عالمی سطح پر سراہا جاتا رہا۔

ادب اور سماجی فکر کے میدان میں ممتاز دانشور ڈاکٹر عارفہ سیدہ زہرہ اور معروف شاعر تجمل کلیم بھی 2025 میں دنیا سے رخصت ہو گئے۔ ان کی تحریروں اور خیالات نے کئی نسلوں کو متاثر کیا۔

شوبز انڈسٹری کے لیے بھی یہ سال غم کا پیغام لایا۔ ٹی وی اور فلم کی معروف اداکارہ عائشہ خان، حمیرا اصغر، حمیرا عابد علی اور چائلڈ اسٹار عمر شاہ کا انتقال ہوا۔ اس کے علاوہ نامور فنکار انور علی، جاوید کوڈو اور لکی ڈئیر بھی مداحوں کو سوگوار کر گئے۔

کھیلوں کی دنیا میں بھی ایک بڑا نقصان ہوا۔ سابق بین الاقوامی کرکٹ امپائر خضر حیات اس سال وفات پا گئے، جنہوں نے پاکستان کرکٹ میں اہم کردار ادا کیا۔

سال 2025 میں ان شخصیات کی جدائی نے قوم کو غمزدہ کیا، جبکہ ان کی خدمات ہمیشہ یاد رکھی جائیں گی۔