گوادر میں مسافر کوچ الٹنے سے 9 افراد جاں بحق، 15 زخمی

گوادر کے ہڈ گوٹھ کے مقام پر ایک مسافر کوچ حادثے کا شکار ہوگئی، جس کے نتیجے میں 9 افراد جاں بحق اور 15 زخمی ہوگئے۔

پولیس کے مطابق حادثہ کراچی سے جیونی جانے والی کوچ کے ساتھ پیش آیا، جب یہ تیز رفتار کے باعث قابو سے باہر ہو گئی اور الٹ گئی۔

حادثے کی اطلاع ملتے ہی ریسکیو ٹیمیں موقع پر پہنچیں اور زخمیوں کو فوری طور پر قریبی اسپتال منتقل کیا گیا۔ پولیس نے کہا ہے کہ زخمیوں کی حالت مستحکم ہے، جبکہ حادثے کی وجوہات کا جائزہ لیا جا رہا ہے۔

ایس ایس پی نے مزید کہا کہ مسافر کوچ کی رفتار اور ڈرائیور کی حالت حادثے کے بنیادی عوامل میں شامل ہو سکتے ہیں، اور تحقیقات کے بعد تفصیلی رپورٹ جاری کی جائے گی۔