واٹس ایپ اب کن فونز پر نہیں چلے گا!!! کہیں آپ کے پاس بھی تو یہ ماڈل نہیں؟ فہرست جانیے

پرانے اینڈرائیڈ اسمارٹ فون استعمال کرنے والے صارفین کے لیے اہم خبر سامنے آئی ہے۔

میٹا نے اعلان کیا ہے کہ واٹس ایپ کی پرانے آپریٹنگ سسٹمز کے لیے سپورٹ ختم کی جا رہی ہے، جس کے بعد کئی ڈیوائسز پر یہ ایپ کام کرنا بند کر دے گی۔

کمپنی کے مطابق اس فیصلے کا مقصد ایپ کی سیکیورٹی بہتر بنانا، صارفین کی پرائیویسی کو مضبوط کرنا اور مجموعی کارکردگی کو مزید بہتر بنانا ہے۔ جدید فیچرز کو سپورٹ کرنے کے لیے اب نئے سافٹ ویئر اور بہتر ہارڈویئر کی ضرورت بڑھتی جا رہی ہے۔

رپورٹ کے مطابق 8 ستمبر 2026 کے بعد واٹس ایپ اینڈرائیڈ 5.0، 5.1 اور اینڈرائیڈ 6 سے پرانے ورژنز پر چلنے والے موبائل فونز پر دستیاب نہیں ہوگا۔ اس کے بعد صرف اینڈرائیڈ 6.0 اور اس سے نئے ورژن والے فون ہی واٹس ایپ استعمال کر سکیں گے۔

اس تبدیلی کے بعد دنیا بھر میں لاکھوں صارفین متاثر ہو سکتے ہیں جو اب بھی پرانے موبائل فون استعمال کر رہے ہیں۔ ان کے لیے واٹس ایپ تک رسائی ختم ہو جائے گی اگر وہ اپنا ڈیوائس اپ گریڈ نہیں کرتے۔