شائقین کرکٹ کیلئے اسٹیڈیم میں مفت داخلے کا اعلان

پاکستان کرکٹ بورڈ نے پاکستان اور انگلینڈ کے درمیان راولپنڈی میں کھیلے جانے والے تیسرے ٹیسٹ میچ کے پہلے روز شائقین کیلئے مفت داخلے کا اعلان کر دیا۔

تفصیلات کے مطابق پاکستان کرکٹ بورڈ (پی سی بی) کی جانب سے جاری بیان میں کہا گیا ہے کہ راولپنڈی میں پاکستان اور انگلینڈ کیخلاف تیسرے ٹیسٹ کے پہلے روز پریمیم انکلوژرز میں شائقین کو مفت داخلے کی اجازت دی جائے گی۔

تاہم سیریز 1-1 سے برابر ہے اور فائنل میچ 24 اکتوبر سے 28 اکتوبر تک راولپنڈی کرکٹ اسٹیڈیم میں کھیلا جائے گا۔ پاکستان نے تمام 20 وکٹیں حاصل کرکے سیریز 1-1 سے برابر کرکے تاریخ رقم کی اور تین سال میں پاکستان کی پہلی ہوم فتح ہے۔

مزید پڑھیں:مشتاق احمد نے ایک بار پھر بنگلادیش کرکٹ ٹیم کو جوائن کرلیا

ایسا ہی کارنامہ پہلی بار 1902 میں دیکھا گیا تھا جب آسٹریلیا کے ہیو ٹرمبل اور مونٹی نوبل نے انگلینڈ کو شکست دی تھی۔

جارج ہرسٹ اور کولن بلیتھ نے 1909 میں یہ کارنامہ دہرایا۔ اس کے بعد جنوبی افریقہ کے برٹ ووگلر اور اوبری فالکنر نے 1910 میں انگلینڈ کی تمام 20 وکٹیں حاصل کیں۔

نعمان اور ساجد نے 1972 کے بعد ایک ہی ٹیسٹ میچ میں تمام 20 وکٹیں حاصل کرنے والی پاکستان کی پہلی باؤلنگ جوڑی کے طور پر اپنا نام ریکارڈ بک میں شامل کیا۔

خیال رہے کہ اس سے قبل پاکستانی اسپن جوڑی ساجد علی اور نعمان علی نے ملتان میں انگلینڈ کو 153 رنز سے شکست دے کر ایک نادر کارنامہ انجام دیا تھا۔