ایران کی وینزویلا کے ساتھ مکمل یکجہتی، امریکی فوجی جارحیت کی سخت مذمت

اسلامی جمہوریہ ایران کے وزیر خارجہ سید عباس عراقچی نے وینزویلا کے وزیر خارجہ کے ساتھ ٹیلیفونک گفتگو میں وینزویلا پر امریکی فوجی کارروائیوں اور قانونی صدر کے اغوا کی سخت مذمت کی۔

گفتگو کے دوران دونوں وزرائے خارجہ نے امریکی جارحیت کے بعد کی صورتحال پر تبادلہ خیال کیا اور اس اقدام کو ریاستی دہشت گردی اور وینزویلا کی خودمختاری پر کھلے حملے کے مترادف قرار دیا۔

عراقچی نے وینزویلا کے عوام اور منتخب حکومت کے حق میں ایران کی مکمل حمایت پر زور دیا۔

وینزویلا کے وزیر خارجہ نے بھی ایران کے موقف کی تعریف کرتے ہوئے کہا کہ امریکی غنڈہ گردی اور غیر قانونی اقدامات کے باوجود وینزویلا کے عوام اور حکومت اپنی قومی خودمختاری اور حق خودارادیت کے دفاع میں پرعزم ہیں۔