امریکا اور ایران جنگ بندی معاہدے کی شرائط پر وضاحتیں طلب کریں گے؛ یو اے ای

ابو ظبی: اماراتی وزارت خارجہ نے اعلان کیا ہے کہ امریکا اور ایران سے جنگ بندی معاہدے کی شرائط پر وضاحتیں طلب کی جائیں گی۔

وضاحتیں اس بات کو یقینی بنانے کے لیے طلب کی جائیں گی کہ خطے میں ایرانی حملے رکیں اور صورتحال قابو میں رہے۔ اماراتی وزارت خارجہ نے کہا کہ ان وضاحتوں میں آبنائے ہرمز کو بلا شرط کھولے جانے کو بھی یقینی بنایا جائے گا۔

وزارت خارجہ نے واضح کیا کہ خلیجی ممالک پر حملوں کی صورت میں ایران کے خلاف سخت مؤقف اپنانا ضروری ہے۔ ایران کو تمام نقصانات کے لیے مکمل ہرجانہ بھی ادا کرنا ہوگا۔