اس جمعہ کو پیٹرول کی قیمت کیا ہوگی؟ بڑی خبر سامنے آگئی

آئندہ ہفتے پیٹرولیم مصنوعات کی قیمتوں میں بڑے اضافے کا امکان کم ہے۔

ذرائع کے مطابق آئندہ ہفتے پیٹرولیم مصنوعات کی قیمتوں میں بڑے اضافے کا امکان کم ہے۔ اندازہ لگایا جا رہا ہے کہ قیمتیں یا تو موجودہ سطح پر برقرار رہیں گی یا معمولی رد و بدل دیکھنے میں آ سکتا ہے۔

وفاقی حکومت نے یکم مئی کو رواں ہفتے کے لیے پیٹرولیم مصنوعات کی قیمتوں میں اضافہ کیا تھا، جس کے بعد پیٹرول اور ڈیزل کی قیمتیں 400 روپے فی لیٹر کے قریب پہنچ گئیں۔ عالمی منڈی میں تیل کی قیمتوں میں اضافے کو اس فیصلے کی بڑی وجہ قرار دیا گیا۔

سرکاری اعلامیے کے مطابق یکم مئی 2026 سے پیٹرول کی نئی قیمت 399 روپے 86 پیسے فی لیٹر مقرر کی گئی ، جبکہ ہائی اسپیڈ ڈیزل کی قیمت 399 روپے 58 پیسے فی لیٹر کر دی گئی ۔ قیمتوں میں اس اضافے نے عوام پر مزید مالی دباؤ ڈال دیا ہے۔

رپورٹس کے مطابق اس ہفتے پیٹرول کی قیمت میں تقریباً 6 روپے 51 پیسے فی لیٹر اضافہ ہوا ، جبکہ ڈیزل کی قیمت میں زیادہ اضافہ دیکھنے میں آیا جو تقریباً 19 روپے 39 پیسے فی لیٹر ہے۔