صدر مملکت نے اگلے مالی سال کے وفاقی بجٹ سے متعلق فنانس بل 2026 کی توثیق کردی

صدرِ مملکت آصف علی زرداری نے آئندہ مالی سال 27-2026ء کے وفاقی بجٹ سے متعلق ‘فنانس بل 2026ء’ کی باقاعدہ توثیق کر دی ہے۔

 تفصیلات کے مطابق پارلیمنٹ سے بھاری اکثریت سے منظور کیے جانے کے بعد یہ بل حتمی منظوری کے لیے صدرِ مملکت کو ارسال کیا گیا تھا، جس پر انہوں نے گزشتہ روز دستخط کر کے اس کی باضابطہ منظوری دے دی۔

صدرِ مملکت کی جانب سے فنانس بل پر دستخط کیے جانے کے بعد اسے گزٹ نوٹیفکیشن کی تیاری اور اشاعت کے لیے پرنٹنگ کارپوریشن آف پاکستان کو بھجوا دیا گیا ہے۔

سرکاری گزٹ میں شامل ہوتے ہی مالی سال 27-2026ء کا نیا وفاقی بجٹ یکم جولائی سے ملک بھر میں باقاعدہ طور پر نافذ العمل ہو جائے گا۔