کیا آپ 10 سیکنڈ میں بتا سکتے ہیں کہ اس تصویر میں بچے کی ماں کونسی ہے؟

کیا آپ کو پہیلیاں اور معمے حل کرنا پسند ہیں؟ اگر ہاں تو یہ دلچسپ تصویری پہیلی آپ کی توجہ ضرور حاصل کرے گی۔

 تصویر میں ایک بچہ فرش پر بیٹھا کھلونوں سے کھیل رہا ہے۔ قریب ہی دو خواتین کرسیوں پر بیٹھی ہوئی ہیں اور ایک دوسرے کی طرف دیکھ رہی ہیں۔ سوال یہ ہے کہ ان دونوں میں سے بچے کی ماں کون ہے؟

پہلی نظر میں اس سوال کا جواب دینا آسان نہیں۔ دونوں خواتین بچے سے کچھ فاصلے پر بیٹھی ہوئی ہیں۔ بظاہر ایسی کوئی واضح بات نظر نہیں آتی جس سے فوراً معلوم ہوسکے کہ بچہ کس خاتون کا ہے۔ تاہم اگر تصویر کو غور سے دیکھا جائے تو چند چھوٹی تفصیلات اس معمے کو حل کرنے میں مدد دیتی ہیں۔

اس تصویری پہیلی کا درست جواب یہ ہے کہ بچے کی ماں بائیں جانب بیٹھی ہوئی خاتون ہے۔ تصویر میں موجود چند اشارے اس بات کی طرف توجہ دلاتے ہیں۔ ان میں سب سے نمایاں اشارہ بچے اور خاتون کے بالوں کا رنگ ہے۔ دونوں کے بال ایک جیسے دکھائی دیتے ہیں، جس سے ان کے درمیان ماں اور بچے کا تعلق ہونے کا امکان ظاہر ہوتا ہے۔

ایک اور اہم اشارہ بچے کے بیٹھنے کا انداز ہے۔ بچہ کھیلتے ہوئے اپنا چہرہ بائیں جانب بیٹھی خاتون کی طرف کیے ہوئے ہے۔ بچوں کے بارے میں عام مشاہدہ ہے کہ وہ اپنے والدین یا قریبی افراد کے آس پاس رہتے ہوئے ان کی طرف زیادہ متوجہ ہوتے ہیں۔ یہی وجہ ہے کہ بچے کا رخ بھی اس پہیلی میں ایک اہم اشارہ سمجھا گیا ہے۔

بائیں جانب بیٹھی خاتون کے انداز میں بھی ایک معمولی فرق نظر آتا ہے۔ وہ لاشعوری طور پر بچے کی سمت قدرے جھکی ہوئی ہے۔ اس کے برعکس دوسری خاتون نسبتاً پرسکون انداز میں کرسی پر بیٹھی ہوئی ہے اور اس کی توجہ بچے کی طرف نہیں۔

یہ چھوٹی چھوٹی تفصیلات مل کر اس دماغی پہیلی کا جواب تلاش کرنے میں مدد دیتی ہیں۔ اگرچہ صرف ظاہری شکل یا بالوں کے رنگ سے کسی رشتے کا حتمی فیصلہ نہیں کیا جاسکتا، لیکن اس معمے میں یہی اشارے درست جواب تک پہنچنے کے لیے دیے گئے ہیں۔