سعودی جنگی طیاروں کی یمن میں حوثی ٹھکانوں پر بمباری، 5 ڈرون بھی تباہ کرنے کا دعویٰ

سعودی عرب کے لڑاکا طیاروں نے یمن کے مختلف حصوں میں حوثی ملیشیا کے عسکری ٹھکانوں اور پیش قدمی کو روکنے کے لیے شدید بمباری کی ہے۔

یمن کے اہم شہر موکا کے قریب حوثی گروپ کے قبضے سے علاقے واگزار کرانے کے لیے سرکاری افواج کی کوششوں کے ساتھ ساتھ اب سعودی فضائیہ نے بھی کارروائیوں کا دائرہ وسیع کر دیا ہے۔

گزشتہ دو دنوں کے دوران سعودی لڑاکا طیاروں نے انصار اللہ حوثی کے زیر کنٹرول علاقوں جن میں وسطی صوبے اور ملک کا شمالی حصہ شامل ہے، پر تابڑ توڑ فضائی حملے کیے ہیں۔ ان حملوں کا بنیادی مقصد حوثی جنگجوؤں کی مزید پیش قدمی کو سختی سے روکنا ہے۔

یہ بھی پڑھیں : یمن کا پورا بحیرہ احمر کا ساحل حوثیوں کے کنٹرول میں آ گیا

حکومت کے زیر کنٹرول علاقوں میں مدھب کو ایک قلعہ نما مضبوط گڑھ مانا جاتا ہے، جو یمن کا معاشی حب بھی کہلاتا ہے۔ جو بھی اس پر قابض ہوتا ہے یمن کی آمدنی کا بڑا ذریعہ اس کے ہاتھ میں آ جاتا ہے اور اب تک حوثی اس شہر پر قبضہ کرنے میں ناکام رہے ہیں۔

مدھب کے شمال مشرق میں واقع دارالحکومت صنعا کے مضافات میں شدید جھڑپوں کی اطلاعات بھی موصول ہوئی ہیں۔ یمن کے جنوبی حصے میں تعز کے مقام پر حوثی عسکری اجتماعات کو بھی نشانہ بنایا گیا ہے۔

دوسری طرف یمن کی سرکاری فوج کا کہنا ہے کہ العغبرہ کے علاقے میں شدید جھڑپوں کے دوران حوثی ملیشیا کے 5 ڈرون طیاروں کو کامیابی کے ساتھ فضا میں ہی نشانہ بنا کر گرا دیا ہے۔

ان بم دھماکوں کے نتیجے میں حوثیوں کا عسکری سامان اور سازوسامان مکمل طور پر تباہ ہو گیا، جبکہ متعدد حوثی جنگجو ہلاک ہوئے۔