سعودی سپلائی کے خدشات کے باوجود تیل کے نرخ گر گئے

سعودی عرب میں پائپ لائن پر حملے کے بعد سپلائی کے خدشات کے باوجود امریکی خام تیل کے ذخائر بڑھنے سے تیل کی قیمتوں میں کمی واقع ہوئی ہے۔

بدھ کے روز تیل کی قیمتوں میں اس وقت کمی واقع ہوئی، جب امریکی خام تیل کے ذخائر میں غیر متوقع اضافہ ریکارڈ کیا گیا، مارکیٹ نے سعودی عرب کے یانب صنعتی شہر کے ٹرمینل پر ایسٹ ویسٹ پائپ لائن پر حملے کے بعد تیل کی سپلائی کے خطرات کا جائزہ لیا۔

یہ بھی پڑھیں : سعودی عرب پر حوثی حملوں کی شدید مذمت، باب المندب میں کشیدگی عالمی معیشت کیلئے خطرہ ہے، عاصم افتخار

برینٹ کروڈ فیوچرز کی قیمت 93 سینٹ یعنی صفر اعشاریہ 86 فیصد کمی کے ساتھ 107 اعشاریہ 82 ڈالر فی بیرل ہو گئی، جبکہ امریکی ویسٹ ٹیکساس انٹرمیڈیٹ فیوچرز 97 سینٹ یعنی صفر اعشاریہ 92 فیصد کمی کے ساتھ 104 اعشاریہ 86 ڈالر فی بیرل پر آ گئے۔

گزشتہ روز دونوں اہم معاہدے تین ڈالر سے زیادہ مہنگے ہو کر 19 مئی کے بعد سے اپنی بلند ترین سطح پر پہنچ گئے تھے۔