بلوچستان کے سرد علاقوں میں موسم گرما کی تعطیلات کا اعلان

محکمہ اسکول ایجوکیشن بلوچستان نے صوبے کے سرد علاقوں میں واقع سرکاری اور نجی اسکولوں کے لیے موسم گرما کی مختصر تعطیلات کا باقاعدہ اعلان کر دیا ہے۔

جاری کردہ اعلامیے کے مطابق ونٹر زون میں شامل تمام تعلیمی ادارے 18 جولائی سے 2 اگست 2026 تک بند رہیں گے۔ تعطیلات کا اطلاق ونٹر زون کے تمام سرکاری اور نجی اسکولوں پر یکساں ہوگا۔

اعلامیے میں مزید بتایا گیا ہے کہ موسم گرما کی چھٹیوں کے اختتام کے بعد سمر زون اور ونٹر زون دونوں کے تمام سرکاری اور نجی اسکول 3 اگست 2026، بروز پیر، دوبارہ کھل جائیں گے۔