خطے میں امریکی مراکز ایران کے جائز اہداف ہوں گے، قالیباف کا ٹرمپ کو سخت انتباہ

تہران: ایران کی پارلیمنٹ کے اسپیکر محمد باقر قالیباف نے امریکی صدر ڈونلڈ ٹرمپ کو سخت انتباہ جاری کرتے ہوئے کہا ہے کہ اگر امریکا کسی بھی قسم کی اشتعال انگیزی کرے تو خطے میں موجود تمام امریکی اڈے اور افواج ایران کے قانونی اہداف میں شامل ہوں گے۔

 قالیباف نے بیان دیا کہ “امریکا کے صدر کو یہ بات سمجھ لینی چاہیے کہ کسی بھی جارحیت یا مہم جوئی کے جواب میں ایرانی افواج خطے میں موجود امریکی مفادات اور فوجی مراکز کو نشانہ بنانے کے لیے تیار ہیں۔”

انہوں نے مزید کہا کہ ایرانی قوم ہمیشہ بیرونی خطرات کے خلاف متحد رہی ہے اور ضرورت پڑنے پر فیصلہ کن اقدامات کرنے کی مکمل صلاحیت رکھتی ہے۔