اپنی رائے کو اہمیت نہ ملنے پر حفیظ کا پی سی بی ٹیکنیکل کمیٹی سے الگ ہونے کا اعلان

لاہور: سابق کرکٹر محمد حفیظ نے پاکستان کرکٹ بورڈ کی ٹیکنیکل کمیٹی سے الگ ہونے کا اعلان کردیا۔

سوشل میڈیا اکاؤنٹ ایکس پر پوسٹ کرتے ہوئے محمد حفیظ نے لکھا کہ ’میں نے پاکستان کرکٹ بورڈ کی ٹیکنیکل کمیٹی سے الگ ہونے کا فیصلہ کیا ہے، میں اعزازی رکن کے طور پر کام کر رہا تھا‘۔

ان کا کہنا تھا کہ ’میں چیئرمین منیجمنٹ کمیٹی ذکاء اشرف کا شکریہ ادا کرتا ہوں جنہوں نے مجھے موقع دیا، میری پاکستان کرکٹ کے ساتھ ہمیشہ کی طرح نیک خواہشات رہیں گی، پاکستان زندہ باد‘۔

I decided to leave Pakistan cricket technical committee. I served as honorary member. I would like to thank Zaka Ashraf sb for giving me this opportunity. I m always available whenever Zaka Ashraf sb need my honest suggestions for Pakistan cricket. My best wishes for Pakistan…

— Mohammad Hafeez (@MHafeez22) September 21, 2023

یہ بھی پڑھیں: محمد حفیظ کے گھر چوری، چور لاکھوں کی غیر ملکی کرنسی لوٹ کر لے گئے

دوسری جانب ذرائع کا کہنا ہے کہ محمد حفیظ نے ریویو اجلاس میں اپنی رائے کو اہمیت نہ دیے جانے پر کمیٹی سے الگ ہونے کا فیصلہ کیا ہے۔