ورلڈکپ: پاک بھارت ٹاکرے سے قبل ان فارم بھارتی بیٹر اسپتال میں داخل

شبمن گل پاکستان کے خلاف میچ سے بھی باہر ہو سکتے ہیں، اگر وہ ٹھیک ہو جاتے ہیں تو وہ چنئی سے ڈائریکٹ احمدآباد جائیں گے۔

بھارتی میڈیا کے مطابق ڈینگی بخار میں مبتلا شبمن گل کو اسپتال داخل کردیا گیا ہے، ان کے پلیٹیلیٹس کم ہونے کے بعد انہیں احتیاطی طور پر چنئی کے اسپتال میں داخل کیا گیا ہے، بھارتی کرکٹ بورڈ کا میڈیکل پینل مسلسل شبمن گل کی نگرانی کر رہا ہے۔

یہ بھی پڑھیں: ورلڈکپ: بھارت کو بڑا دھچکہ، ان فارم بیٹر ڈینگی کا شکار

بھارتی میڈیا کا کہنا ہے کہ شبمن گل پاکستان کے خلاف میچ سے بھی باہر ہو سکتے ہیں، اگر وہ ٹھیک ہو جاتے ہیں تو وہ چنئی سے ڈائریکٹ احمدآباد جائیں گے۔

یاد رہے کہ پاکستان اور بھارت کے درمیان میچ 14 اکتوبر کو احمد آباد میں شیڈول ہے۔