بھارت کے خلاف میچ کے لیے پر اعتماد اور پرجوش ہیں: کپتان بابر اعظم

احمدآباد: بابر اعظم کا کہنا ہے کہ پاکستان اور بھارت کا میچ چیلنجنگ ہوتا ہے، بھارت کے خلاف میچ کے لیے پر اعتماد اور پرجوش ہیں۔

قومی کرکٹ ٹیم کے کپتان بابر اعظم کا احمد آباد میں پریس کانفرنس کرتے ہوئے کہنا تھا کہ کوئی دباؤ نہیں، پہلے بھی بڑے کراؤڈ کے سامنے کھیلا ہے، معلوم ہے پورا اسٹیڈیم بھارت کو سپورٹ کررہا ہوگا، اگر پاکستانی فینز ہوتے تو وہ بھی اسٹیڈیم آتے۔

یہ بھی پڑھیں: کرکٹ ورلڈ کپ: پاک بھارت میچ سے پہلے بہت ہی خاص پلان تیار

بابر اعظم کا کہنا تھا کہ ہائی اسکورنگ میچ ہورہے ہیں، بولرز کیلئے مارجن کم ہے، پاکستان اور بھارت کا میچ چیلنجنگ ہوتا ہے۔

ان کا کہنا تھا کہ بھارت کے خلاف میچ کے لیے پر اعتماد اور پرجوش ہیں، بھارت کو جلد آؤٹ کرنے کی کوشش کریں گے، ورلڈ کپ جیتنے کیلئے فیلڈنگ پر زیادہ توجہ دینا ہو۔