ویڈیو: پاک آسٹریلیا میچ میں بھارتی پولیس نے فینز کو پاکستان زندہ باد کے نعرے لگانے سے روک دیا

بنگلورو: بھارت میں جاری ورلڈکپ میں پاکستان اور آسٹریلیا کے درمیان میچ کے دوران بھارتی پولیس نے اسٹیڈیم میں میچ دیکھنے آئے فینز کو پاکستان زندہ باد کے نعرے لگانے سے منع کردیا۔

بنگلورو کے چنا سوامی اسٹیڈیم میں موجود بھارتی پولیس اہلکار نے پاکستان کی شرٹ پہنے ہوئے فین کو پاکستان زندہ باد کے نعرے لگانے سے منع کیا۔

واقعہ کی ویڈیو پاکستانی اداکار اور یوٹیوبر ارسلان نصیر نے سوشل میڈیا پر شیئر کی جس میں دیکھا جاسکتا ہے کہ بھارتی پولیس اہلکار پاکستانی فین سے بحث کر رہا ہے اور اسے پاکستان زندہ باد کے نعرے لگانے سے روک رہا ہے۔

یہ بھی پڑھیں: ورلڈ کپ: آسٹریلیا نے پاکستان کو با آسانی 62 رنز سے ہرا دیا

 

View this post on Instagram

 

A post shared by Arsalan Naseer (@cba.arslan.naseer)

ویڈیو میں پاکستانی فین نے پولیس اہلکار سے کہا کہ میچ چل رہا ہے، ہم پاکستان سے آئے ہیں اور پاکستان زندہ باد کے نعرے نہیں لگائیں گے تو کیا بولیں گے۔

ارسلان نصیر نے ویڈیو کے کیپشن میں بھارت ہر تنقید کرتے ہوئے لکھا کہ’ اچھا ایسے چلتی ہے دنیا کی سب سے بڑی جمہوریت؟ ‘زبردست شو انڈیا!