‘جسے اللہ رکھے اسے کون چکھے’، غزہ میں 37 دن بعد ملبے سے زندہ بچہ نکال لیا گیا

غزہ: بے شک! مارنے والے سے بچانے والا بڑا ہے، غزہ میں ایک تباہ شدہ عمارت کے ملبے سے 37 دن بعد ایک بچے کو زندہ نکال لیا گیا جو کسی معجزے سے کم نہیں ہے۔

سماجی رابطوں کی ویب سائٹ ایکس پر ایک بچے کی ملبے کے نیچے سے زندہ بچ جانے کی ویڈیو وائرل ہورہی ہے۔

ویڈیو کے کیپشن میں لکھا گیا ہے کہ ’غزہ میں تباہ شدہ عمارت کے ملبے کے نیچے سے 37 دن بعد زندہ نکالا جانے والا بچہ‘۔

🔴 غزہ میں تباہ شدہ عمارت کے ملبے کے نیچے سے 37 دن بعد نکالے جانے والے بچہ- pic.twitter.com/YaXQvv56Ow

— RTEUrdu (@RTEUrdu) November 27, 2023

سوشل میڈیا پر اس ویڈیو کو دیکھ کر متعدد صارفین کے تبصرے جاری ہیں۔

ایک صارف نے لکھا کہ 37 دن یقین کرنا مشکل ہے، اللہ کی قدرت ہے جو پتھر کے نیچے بھی رزق دیتا ہے۔

ایک اور صارف نے لکھا کہ ’یہ وقت کا موسیٰ ہے جسے خدا نے ابھی زندہ رکھنا چاہا۔‘

خیال رہے کہ غزہ میں ہونے والی اسرائیلی بمباری سے اب تک 15 ہزار سے زیادہ فلسطینی شہری شہید ہوچکے ہیں جن میں خواتین اور بچوں کی بڑی تعداد شامل ہے۔