آسٹریلیا کی کنڈیشنز چیلنجنگ ہیں، پرفارم کرنے کیلئے تیار ہیں: محمد حفیظ

لاہور: محمد حفیظ کا کہنا ہے کہ ابھی تک تو جو پلان ہے اس میں ٹیم ڈائریکٹر کیساتھ ہیڈ کوچ کی ضرورت نہیں، آسٹریلیا کی کنڈیشنز چیلنجنگ ہیں، وہاں پرفارم کرنے کیلئے تیار ہیں۔

ڈائریکٹر پاکستان کرکٹ ٹیم محمد حفیظ کا نیوز کانفرنس کرتے ہوئے کہنا تھا کہ لڑکوں میں رنز بنانے کی بھوک ہے جو کہ اچھی بات ہے، آسٹریلیا کی کنڈیشنز چیلنجنگ ہیں، وہاں پرفارم کرنے کیلئے تیار ہیں، جو پہلے ہوچکا ہے اس کا ذمہ دار نہیں ہوں، اب ملکر بہتر نتائج لائیں گے۔

محمد حفیظ کا کہنا تھا کہ کھلاڑیوں کو ہمیشہ سیکھنے کے مواقع ملتے ہیں، جب کھلاڑی ٹاپ پر آتے ہیں تو پرفارم کرنا ہوتا ہے، سیکھنا نہیں ہوتا، ابھی تک تو جو پلان ہے اس میں ٹیم ڈائریکٹر کیساتھ ہیڈ کوچ کی ضرورت نہیں۔

یہ بھی پڑھیں: دورہ آسٹریلیا کیلئے پاکستان کے 18 رکنی اسکواڈ کا اعلان، حارث رؤف دستبردار

ان کا کہنا تھا کہ ڈومیسٹک کے پرفارمز کو عزت دی ہے، سب کو شامل نہیں کرسکتے، جو منتخب نہیں وہ مستقبل میں ضرور ساتھ ہوں گے۔