آسٹریلیا کیخلاف پہلے ٹیسٹ میچ کیلئے قومی ٹیم کا اعلان، دو نئے کھلاڑی شامل

پرتھ: آسٹریلیا کے خلاف پہلے ٹیسٹ میچ کے لیے قومی کرکٹ ٹیم کا اعلان کردیا گیا ہے۔

تین میچوں پر مشتمل بینو قادر ٹرافی کا پہلا میچ 16 دسمبر سے پرتھ کے واکا اسٹیڈیم میں شروع ہوگا۔

آسٹریلیا کے خلاف پہلے ٹیسٹ میں پاکستان کی جانب سے دو کھلاڑی ڈیبیو کریں گے، عامر جمال اور خرم شہزاد اپنا پہلا میچ کھیلیں گے۔

یہ بھی پڑھیں: پاک آسٹریلیا ٹیسٹ سیریز؛ ٹرافی کی رونمائی کردی گئی

پاکستانی ٹیم کی قیادت شان مسعود کریں گے جبکہ وکٹ کیپر سرفراز احمد ہوں گے، محمد رضوان کو ٹیم میں شامل نہیں کیا گیا ہے۔

🚨 Playing XI for first Test 🚨

Aamir Jamal and Khurram Shahzad are set to make their Test debut 👏#AUSvPAK pic.twitter.com/4GqRRKZC6J

— Pakistan Cricket (@TheRealPCB) December 13, 2023

قومی ٹیم کے دیگر کھلاڑیوں میں امام الحق، عبد اللہ شفیق، بابر اعظم، سعود شکیل، سلمان علی آغا، فہیم اشرف، شاہین آفریدی، عامر جمال اور خرم شہزاد شامل ہیں۔

خیال رہے کہ پاکستان کے خلاف آسٹریلین ٹیم کا اعلان ہو چکا ہے، میزبان ٹیم کی قیادت پیٹ کمنز کریں گے جبکہ نائب کپتان ٹریوس ہیڈ ہوں گے۔