بی بی ایل: امپائر کے ساتھ بدتمیزی، ٹام کرن پر 4 میچز کی پابندی عائد

سڈنی: برطانوی کرکٹ ٹیم کے آلراؤنڈر ٹام کرن پر امپائر کے ساتھ بدتمیزی اور دھمکی دینے پر چار میچز کی پابندی عائد کردی گئی ہے۔

بگ بیش لیگ کے دوران سڈنی سکسرز کی نمائندگی کرنے والے ٹام کرن کو امپائر کے ساتھ بدتمیزی اور دھمکی دینے پر کرکٹ آسٹریلیا نے ایکشن لیتے ہوئے ان پر چار میچز کی پابندی عائد کردی ہے۔

11 دسمبر کو سکسرز اور ہوبارٹ کے درمیان ہونے والے میچ سے قبل ٹام کرن نے دوران پریکٹس وکٹ پر نہ دوڑنے کی امپائر کی ہدایت کو نظر انداز کیا جس پر امپائر کی جانب سے غصے کا اظہار کیا گیا تو انہوں نے بدتمیزی سے جواب دیا۔

یہ بھی پڑھیں: میچ فکسنگ کیس؛ افغان وکٹ کیپر پر 6 برس کی پابندی عائد

تاہم، جمعرات کو ٹام کرن پر 4 میچز کی پابندی عائد کردی گئی ہے جس کے بعد وہ اگلے چار میچز میں سکسرز کی نمائندگی نہیں کر سکیں گے۔