الوداعی میچ سے قبل ڈیوڈ وارنر کی ’’ٹیسٹ کیپ‘‘ چوری ہوگئی

سڈنی: ٹیسٹ کیرئیر کے الوداعی میچ سے قبل آسٹریلوی اوپنر ڈیوڈ وارنر کی ’’ٹیسٹ کیپ‘‘ چوری ہوگئی۔

آسٹریلوی اوپنر ڈیوڈ وارنر نے اپنے ویڈیو پیغام میں کہا کہ انکی ٹیسٹ کیپ چوری ہوگئی ہے، سڈنی ٹیسٹ میچ سے قبل میری چوری کی گئی ’’کیپ‘‘ واپس کردیں۔

ڈیوڈ وارنر نے کہا کہ سوشل میڈیا میرا آخری سہارا ہے، میں بتانا چاہتا ہوں کہ ائیرپورٹ پر سی سی ٹی وی کیمرے چیک کیے ہیں تاہم کسی نے ہمارے بیگ کو ہاتھ نہیں لگایا تاہم اگر کسی شخص کے پاس میری ٹیسٹ کیپ ہے تو وہ سڈنی ٹیسٹ سے قبل مجھے واپس کردے، میں اسکا شکر گزار ہوں گا۔

یہ بھی پڑھیں: وارنر نے ٹیسٹ کے بعد ODI سے بھی ریٹائرمنٹ کا اعلان کردیا

کرکٹر نے کہا کہ براہ کرم میرے سوشل میڈیا کے ذریعے کرکٹ آسٹریلیا یا خود سے رابطہ کریں اور اگر آپ میری ’’بیگی گرین کیپ‘‘ واپس کرتے ہیں تو آپکو اسکے بدلے اپنا بیک پیک دوں گا۔

🏏🇦🇺 David Warner has issued an impassioned plea for the return of his baggy green.

His backpack, which contained his baggy green, was taken from his luggage on the eve of the Sydney Test.

🎥: David Warner (via Instagram) pic.twitter.com/C4QRdMxf0I

— ABC SPORT (@abcsport) January 2, 2024

واضح رہے کہ گزشتہ روز ٹیسٹ کرکٹ کے بعد ڈیوڈ وارنر نے ون ڈے کرکٹ سے بھی ریٹائرمنٹ کا اعلان کیا تھا۔