جنوبی افریقا کے جارح مزاج بیٹر کا ٹیسٹ کرکٹ سے ریٹائرمنٹ کا اعلان

جنوبی افریقا کے خطرناک وکٹ کیپر بیٹر ہینری کلاسن نے ٹیسٹ کرکٹ سے ریٹائرمنٹ کا اعلان کردیا ہے۔

32 سالہ جنوبی افریقی کرکٹر ہینری کلاسن نے پیر کو سوشل میڈیا پوسٹ کے ذریعے ٹیسٹ کرکٹ سے ریٹائرمنٹ کا اعلان کیا۔

کلاسن نے اپنی انسٹاگرام پوسٹ میں لکھا کہ ‘ کافی غورو فکر کے بعد میں نے ٹیسٹ کرکٹ سے ریٹائرمنٹ کا فیصلہ کیا ہے، یہ میرے لیے بہت مشکل فیصلہ تھا کیوں کہ ٹیسٹ کرکٹ میرا پسندیدہ فارمیٹ ہے’۔

یہ بھی پڑھیں: وارنر نے ٹیسٹ کے بعد ODI سے بھی ریٹائرمنٹ کا اعلان کردیا

کلاسن نے جنوبی افریقا کی جانب سے 4 ٹیسٹ میچز کھیلے اور مجموعی طور پر 108 رنز اسکور کیے۔

 

View this post on Instagram

 

A post shared by Heinrich Klaasen (@heinie45)

واضح رہے کہ کلاسن سے قبل گزشتہ دنوں بھارت کے خلاف 2 میچز کی سیریز کے اختتام پر جنوبی افریقی کپتان ڈین ایلگر ٹیسٹ کرکٹ سے ریٹائر ہوگئے تھے۔