پراوین کمار کا کئی سینئر بھارتی کھلاڑیوں کے شرابی ہونے کا انکشاف

ممبئی: سابق بھارتی کرکٹر پراوین کمار نے کئی سینئر کھلاڑیوں کے شرابی ہونے کا انکشاف کیا ہے۔

سابق بھارتی کرکٹر پراوین کمار نے ایک انٹرویو میں کہا کہ پیتے سب ہی ہیں مگر مجھے بدنام کیا گیا کہ پراوین کمار شراب پیتا ہے۔

دوران انٹرویو بھارتی کرکٹر سے سوال کیا گیا کہ کیا سچن ٹنڈولکر، سارو گنگولی یا راہول ڈریوڈ شراب پیتے تھے تو پراوین نے کہا کہ میں کسی کا نام نہیں لینا چاہتا، سب جانتے ہیں کہ کون شراب پیتا ہے۔

ان کا کہنا تھا کہ جب وہ ٹیم میں گئے تو سب نے کہا کہ شراب نہیں پینا، یہ نہیں کرنا وہ نہیں کرنا، مگر میں نے دیکھا کہ جس کام سے مجھے منع کیا گیا وہ دوسرے کررہے تھے، مجھے ہی بدنام کردیا گیا۔

یہ بھی پڑھیں: اب کوئی بھی بھارتی کرکٹر جرسی نمبر 7 نہیں پہن سکے گا

انہوں نے مزید کہا کہ اسی وجہ سے مجھے کوچنگ جاب نہیں ملی، رنجی ٹیم کے ساتھ کام کرنے کا موقع نہیں دیا گیا۔