اعظم خان کی انٹری پر انتظامیہ نے ریسلر ‘بگ شو’ کا گانا چلادیا

ڈیونیڈن: نیوزی لینڈ کے خلاف تیسرے ٹی ٹوئنٹی میچ میں بیٹنگ کیلئے میدان میں آنے والے اعظم خان کی انٹری کے وقت انتظامیہ نے معروف ڈبلیو ڈبلیو ای ریسلر بگ شو کا گانا چلادیا۔

ٹی ٹوئنٹی سیریز کے تیسرے میچ میں نیوزی لینڈ نے پہلے بیٹنگ کرتے ہوئے مقررہ 20 اوورز میں 224 رنز بنائے، جس کے جواب میں قومی ٹیم محض 179 رنز بناکر آؤٹ ہوگئی۔

سماجی رابطے کی سائٹ ایکس (سابقہ ٹوئٹر) پر تیزی سے ویڈیو وائرل ہورہی ہے جس میں دیکھا جاسکتا ہے کہ میچ کی دوسری اننگز کے دوران جب اعظم خان بیٹنگ کیلئے گراؤنڈ میں آرہے تھے تو انتظامیہ نے بیک گراؤنڈ میوزک میں معروف ڈبلیو ڈبلیو ای ریسلر بگ شو کا گانا چلادیا، جس پر کئی شائقین کرکٹ ناراض نظر آئے۔

Pathetic from the hosts to play The Big Show’s entrance music when Azam Khan came out to bat. @TheRealPCB should take it up with @BLACKCAPS 👎🏼👎🏼👎🏼 #NZvsPAK pic.twitter.com/sT2mxV7fog

— Farid Khan (@_FaridKhan) January 17, 2024

یہ بھی پڑھیں: بڑے ایونٹ جیتنے ہیں تو اس ٹیم کو وقت دینا پڑے گا

واضح رہے کہ اعظم خان بھاری جسمانی صحت کی وجہ سے متعدد بار ٹرول ہوچکے ہیں۔