پی سی بی کا 4 قومی کرکٹرز کو لیگز کیلئے این او سی دینے کا فیصلہ

لاہور: پاکستان کرکٹ بورڈ (پی سی بی) نے 4 قومی کرکٹرز کو لیگز کے لیے این او سی دینے کا فیصلہ کیا ہے۔

ذرائع کا کہنا ہے کہ پی سی بی نے شاہین شاہ آفریدی، بابر اعظم، محمد رضوان اور وسیم جونیئر کو این او سی دینے کا فیصلہ کیا ہے۔

ذرائع کے مطابق ٹی ٹوئنٹی کپتان شاہین آفریدی کا آئی ایل ٹی ٹوئنٹی کے ساتھ معاہدہ ہے جبکہ بابر اعظم، محمد رضوان اور وسیم جونیئرکا بنگلادیش پریمیئر لیگ کے ساتھ معاہدے ہیں۔

یہ بھی پڑھیں: بگ بیش لیگ: پی سی بی نے اسامہ، حارث اور زمان کو این او سی جاری کردیا

ذرائع نے بتایا کہ قومی کرکٹرز کو لیگز کیلئے اجازت کیس ٹو کیس بنیاد پر دی جا رہی ہے۔

ذرائع کا کہنا ہے کہ سینٹرل کنٹریکٹ میں شامل کرکٹرز کو معاہدے کی شقوں کے مطابق اجازت دی جا رہی ہے۔