فخر زمان نے آسٹریلیا کے شہر میلبرن میں کرکٹ اکیڈمی قائم کردی

میلبرن: قومی کرکٹر فخر زمان نے آسٹریلیا کے شہر میلبرن میں کرکٹ اکیڈمی قائم کردی۔

اکیڈمی کے افتتاح کے موقع پر میڈیا سے گفتگو کرتے ہوئے فخر زمان کا کہنا تھا کہ اکیڈمی میں عمر کی کوئی حد نہیں رکھی گئی، اسے بنانے کا مقصد اکیڈمی میں کھلاڑیوں کی بنیادی چیزوں پر کام کرکے ٹیمیں تیار کرنا ہے۔

ان کا کہنا تھا کہ اس کے علاوہ آسٹریلیا، دبئی اور پاکستان سے اکیڈمی کی ٹیمیں دوروں کا تبادلہ کریں گی، پاکستان میں دو اکیڈمیز قائم کر چکے ہیں، ایک اور پر کام جاری ہے، ہم نے اکیڈمی میں اسکالرشپ پر بھی کھلاڑیوں کو رکھا ہے۔

یہ بھی پڑھیں: فخر زمان کا ایک اور عالمی ریکاڈ

انہوں نے کہا کہ میں نے بڑی مشکل سے کرکٹ کھیلی ہے، اب چاہتا ہوں دوسروں کو مشکل نہ ہو۔