اسرائیل-ایران محاذ آرائی سے سبق، چین جدید اطلاعاتی حربوں سے اثر بڑھانے لگا

صحافی طلحہ احمد کا کہنا ہے کہ بہت سے مبصرین اس بات پر غور کر رہے ہیں کہ آنے والے مرحلے میں چین مغربی ایشیا میں کس طرح کردار ادا کر سکتا ہے۔

انہوں نے بتایا کہ اسٹریٹجک لحاظ سے بیجنگ بغیر اپنی مکمل پوزیشن ظاہر کیے بھی مختلف اقدامات کر سکتا ہے، جس میں سیٹلائٹ نگرانی، سفارتی اشارے، اور معلوماتی پھیلاؤ جیسے اوزار شامل ہیں۔

طلحہ احمد کے مطابق حالیہ امریکی فوجی تعیناتیوں کی تصاویر کا عام کرنا اسی حکمت عملی کی مثال ہے، کیونکہ یہ ایک واضح اشارہ فراہم کرتا ہے کہ چین علاقائی توازن پر نظر رکھ رہا ہے۔

مزید یہ کہ سابقہ اسرائیل-ایران کے محاذ آرائیوں کے دوران فوری طور پر سیٹلائٹ تصاویر عام نہیں کی جاتیں بلکہ کئی مواقع پر یہ تصاویر ہفتوں بعد منظر عام پر آتی تھیں، اس لیے اس بار تصاویر کی اشاعت کا وقت اور مقدار معلوماتی جنگ کے ایک نئے پہلو کو نمایاں کرتی ہے اور اس بات کی طرف اشارہ کرتی ہے کہ چین اپنی سرگرمیوں اور اثر و رسوخ کو اس جدید معلوماتی فضا کے ذریعے منظم انداز میں آگے بڑھا رہا ہے۔