پابندی کے خلاف فخر زمان نے بڑا اقدام اٹھا لیا

لاہور: قومی کرکٹر فخر زمان نے بال ٹیمپرنگ کیس میں لگائی گئی دو میچز کی پابندی کے خلاف باضابطہ اپیل جمع کرا دی ہے۔

ذرائع کے مطابق فخر زمان نے مقررہ وقت کے اندر اپنی اپیل جمع کروائی۔ انہیں اپیل دائر کرنے کے لیے 48 گھنٹے کا وقت دیا گیا تھا۔

فخر زمان نے اپنے مؤقف میں کہا ہے کہ انہوں نے کوئی بال ٹیمپرنگ نہیں کی۔ ان کا کہنا ہے کہ ان پر لگائے گئے الزامات درست نہیں ہیں۔

انہوں نے یہ بھی کہا کہ فراہم کیے گئے ویڈیو ثبوت ناکافی ہیں اور ان سے جرم ثابت نہیں ہوتا۔ فخر زمان نے پی ایس ایل ٹیکنیکل کمیٹی سے درخواست کی ہے کہ ان کی سزا ختم کی جائے۔

ذرائع کے مطابق پی ایس ایل کی ٹیکنیکل کمیٹی فخر زمان کی اپیل پر جلد سماعت کرے گی۔ اس دوران ان کے کیس کا تفصیلی جائزہ لیا جائے گا۔