آبنائے ہرمز میں امریکی جہازوں کو غرق کر دیں گے، مشیرِ مجتبیٰ خامنہ ای

ایران کے سپریم لیڈر کے عسکری مشیر نے امریکہ کو خبردار کیا ہے کہ اگر اس نے آبنائے ہرمز میں مداخلت کی تو ایرانی میزائل امریکی بحری جہازوں کو سمندر برد کر دیں گے۔

ایران کے رہبرِ اعلیٰ مجتبیٰ خامنہ ای کے عسکری مشیر اور پاسدارانِ انقلاب کے سابق سربراہ محسن رضائی نے امریکہ کو سنگین نتائج کی دھمکی دی ہے۔

یہ بھی پڑھیں : آبنائے ہرمز میں امریکی دعوے ناکام، چین کا بحری جہاز بغیر کسی رکاوٹ کے گزرنے میں کامیاب

ایرانی سرکاری ٹی وی پر گفتگو کرتے ہوئے انہوں نے کہا کہ ڈونلڈ ٹرمپ آبنائے ہرمز کا پولیس والا بننا چاہتے ہیں، لیکن وہ یہ بھول رہے ہیں کہ ان کے بحری جہاز ایرانی میزائلوں کے نشانے پر ہیں۔

انہوں نے واضح کیا کہ امریکہ کے یہ جہاز ایران کے لیے کوئی خطرہ نہیں بلکہ خود امریکی فوج کے لیے ایک بڑا خطرہ بن چکے ہیں، کیونکہ تہران کے پہلے میزائل حملے میں ہی انہیں تباہ کیا جا سکتا ہے۔