خلیج فارس میں امریکہ کے بغیر نیا دور نئے دور کا آغاز ہوگا؛ مجتبیٰ خامنہ ای

ایران کے سپریم لیڈر مجتبیٰ خامنہ ای نے خلیج فارس اور آبنائے ہرمز کے حوالے سے جاری تحریری بیان میں اس خطے کو ایک نعمت الٰہی قرار دیتے ہوئے کہا ہے کہ یہ نہ صرف علاقائی شناخت بلکہ عالمی معیشت کے لیے بھی ایک کلیدی حیثیت رکھتا ہے۔

ان کا کہنا تھا کہ یہ اسٹریٹجک آبی راستہ صدیوں سے بیرونی طاقتوں کی مداخلت اور سازشوں کا نشانہ بنتا رہا ہے

بیان میں کہا گیا کہ ایران، جو خلیج فارس کے ساتھ طویل ساحلی سرحد رکھتا ہے، اس خطے کی آزادی کے لیے تاریخی قربانیاں دیتا آیا ہے اور انقلابِ اسلامی اس جدوجہد کا اہم موڑ ثابت ہوا۔

سپریم لیڈر کہا کہ حالیہ علاقائی حالات اور عالمی طاقتوں کی ناکامی کے بعد خلیج فارس میں ایک نیا دور شروع ہو رہا ہے۔

انہوں نے واضح کیا کہ امریکی افواج کی موجودگی ہی خطے میں عدم استحکام کی سب سے بڑی وجہ ہے اور بیرونی مداخلت کے خاتمے سے ہی حقیقی امن ممکن ہو سکے گا۔

مجتبیٰ خامنہ ای کا کہنا تھا کہ مستقبل میں خلیج فارس ایسا خطہ ہوگا جو امریکہ سے آزاد ہو کر مقامی ممالک کے تعاون سے ترقی اور خوشحالی کی جانب بڑھے گا۔

انہوں نے آبنائے ہرمز کے نئے انتظام کا بھی عندیہ دیتے ہوئے کہا کہ ایران اس اہم آبی گزرگاہ کو مؤثر انداز میں منظم کرے گا تاکہ اس کے غلط استعمال کو روکا جا سکے اور خطے میں استحکام پیدا ہو۔

انہوں نے مزید کہا کہ اس اقدام سے نہ صرف سلامتی بہتر ہوگی بلکہ معاشی فوائد بھی حاصل ہوں گے۔

سپریم لیڈر کا کہنا تھا کہ ایران کے کروڑوں عوام اپنی سائنسی، دفاعی اور ٹیکنالوجیکل صلاحیتوں کو قومی سرمایہ سمجھتے ہیں اور اس کے تحفظ کے لیے ہر سطح پر تیار ہیں۔

انہوں نے اس امید کا اظہار کیا کہ خلیج فارس کا مستقبل روشن ہوگا اور یہ خطہ بیرونی دباؤ سے آزاد ہو کر ترقی کی نئی مثال قائم کرے گا۔