حیدرآباد کنگز مین کے محمد علی کو میچ فیس کا 10 فیصد جرمانہ

پی ایس ایل میں ضابطہ اخلاق کی خلاف ورزی پر حیدرآباد کنگز کے فاسٹ بولر محمد علی کے خلاف کارروائی کی گئی ہے۔ انہیں میچ فیس کا دس فیصد جرمانہ ادا کرنے کی سزا سنائی گئی ہے۔

لاہور میں جاری لیگ کے دوران پیش آنے والے واقعے میں کہا گیا ہے کہ محمد علی نے ضابطہ اخلاق کی لیول ون خلاف ورزی کی۔ یہ کارروائی پی ایس ایل کے کوڈ آف کنڈکٹ کے تحت کی گئی۔

منتظمین کے مطابق محمد علی نے ضابطہ اخلاق کے آرٹیکل 2.21 کی خلاف ورزی کی، جو کھیل کو بدنام کرنے یا غیر مناسب رویے سے متعلق ہے۔ واقعہ اسلام آباد یونائیٹڈ کی اننگز کے سولہویں اوور میں پیش آیا۔

اطلاعات کے مطابق میچ آفیشلز نے واقعے کا نوٹس لیا اور رپورٹ کی بنیاد پر کارروائی کی سفارش کی۔ بعد ازاں فاسٹ بولر نے اپنی غلطی تسلیم کرتے ہوئے سزا قبول کر لی۔

کرکٹ انتظامیہ کے مطابق اس نوعیت کی خلاف ورزیاں کھیل کی ساکھ پر اثر انداز ہو سکتی ہیں، اسی لیے ضابطہ اخلاق پر سختی سے عمل درآمد کیا جا رہا ہے۔