وینی شیئرس جونیئر کا شاندار گول، برازیل نے مراکش کے خلاف شکست کا خطرہ ٹال دیا

فٹ بال ورلڈ کپ کے ایک انتہائی سنسنی خیز اور بڑے مقابلے میں برازیل اور مراکش کی ٹیموں کے درمیان میچ 1-1 سے برابر ہو گیا ہے۔

امریکا کے نیو یارک نیو جرسی اسٹیڈیم میں 82 ہزار سے زائد پرجوش تماشائیوں کے سامنے کھیلے گئے اس میچ کو گروپ اسٹیج کا سب سے بہترین میچ کہا جا رہا تھا۔

میچ کے 21 ویں منٹ میں مراکش کے اسماعیل صیباری نے ایک خوبصورت شاٹ کے ذریعے گول کرکے اپنی ٹیم کو برتری دلائی، جس پر اسٹیڈیم میں موجود مراکشی مداح جھوم اٹھے۔

یہ بھی پڑھیں : قطر نے سوئٹزرلینڈ کے خلاف میچ برابر کرکے ورلڈ کپ کا پہلا تاریخی پوائنٹ حاصل کر لیا

تاہم برازیل کو اس دباؤ سے نکالنے کے لیے ان کے اسٹار فارورڈ وینی شیئرس جونیئر نے صرف 11 منٹ بعد یعنی 32 ویں منٹ میں مراکش کے دفاع کو توڑتے ہوئے شاندار گول کیا اور اسکور 1-1 سے برابر کر دیا۔

اس کے بعد دونوں ٹیموں نے گول کرنے کی کوششیں کیں لیکن میچ کے آخری منٹوں میں مراکش کی ٹیم ایک آسان موقع ضائع کر بیٹھی اور میچ اسی اسکور پر ختم ہو گیا۔

دوسری جانب نیویارک کے مقامی مداحوں کے لیے یہ رات دگنی خوشی کی تھی کیونکہ فٹ بال میچ ختم ہوتے ہی باسکٹ بال کے بڑے فائنل میں نیویارک نکس کی ٹیم نے سن انتونیو اسپرز کو ہرا کر 1973 کے بعد پہلی بار چیمپئن شپ جیت لی، جس کے بعد دونوں شہروں میں شاندار جشن منایا گیا اور آتش بازی کی گئی۔