موبائل صارفین خبردار!!! پی ٹی اے کا شہریوں کیلئے اچانک بڑا اعلان

پاکستان ٹیلی کمیونیکیشن اتھارٹی (پی ٹی اے) نے ملک میں غیر ملکی سموں کے استعمال کو غیر قانونی قرار دیدیا ہے۔

پی ٹی اے نے اپنے تازہ عوامی آگاہی پیغام میں کہا ہے کہ غیر ملکی یا غیر رجسٹرڈ سمز کے ذریعے کی جانے والی کالز اور میسجز سے صارفین کا ذاتی اور مالی ڈیٹا غیر محفوظ ہو سکتا ہے۔ اس سے سائبر فراڈ اور ہیکنگ کے خطرات میں بھی اضافہ ہوتا ہے۔

اتھارٹی کا کہنا ہے کہ بعض عناصر ان سمز کو غیر قانونی سرگرمیوں کے لیے استعمال کرتے ہیں، جس سے عام صارف بھی مشکلات کا شکار ہو سکتا ہے۔ اس لیے شہریوں کو سختی سے ہدایت کی گئی ہے کہ کسی بھی غیر ملکی نیٹ ورک کی سم اپنے موبائل میں استعمال نہ کریں۔

پی ٹی اے نے کہا کہ ایسی سمز کا استعمال نہ صرف ڈیجیٹل سیکیورٹی کے لیے خطرہ ہے بلکہ قانونی کارروائی کا باعث بھی بن سکتا ہے۔ قانون نافذ کرنے والے ادارے خلاف ورزی کرنے والوں کے خلاف کارروائی کر سکتے ہیں۔

اتھارٹی نے شہریوں سے اپیل کی ہے کہ وہ اپنے موبائل ڈیٹا اور مالی معلومات کے تحفظ کے لیے صرف پاکستان کے منظور شدہ اور رجسٹرڈ موبائل نیٹ ورکس کی سمز استعمال کریں۔