پرتگال کی کروشیا کے خلاف 2-1 سے فتح، ورلڈ کپ کے اگلے مرحلے میں رسائی پکی

پرتگال نے کروشیا کو ایک سنسنی خیز مقابلے کے بعد 2-1 سے ہرا کر ورلڈ کپ کے آخری 16 ٹیموں کے مرحلے میں جگہ بنا لی، کرسٹینالڈو رونالڈو نے بھی گول اسکور کیا۔

پرتگال کی فٹ بال ٹیم نے کروشیا کے خلاف شاندار واپسی کرتے ہوئے 2-1 سے میچ جیت کر فیفا ورلڈ کپ 2026 کے آخری 16 ٹیموں کے مرحلے کے لیے کوالیفائی کر لیا ہے۔

ٹورنٹو کی شدید گرمی میں کھیلے گئے اس سنسنی خیز میچ میں متبادل کھلاڑی گونکالو راموس نے میچ کے آخری لمحات میں ہیڈر کے ذریعے گول کر کے پرتگال کو فتح دلائی۔

یہ بھی پڑھیں : فیفا ورلڈ کپ ناک آؤٹ میچ میں اسپین کی آسٹریا کے خلاف 3-0 سے شاندار جیت

میچ کا اختتام انتہائی ڈرامائی رہا، جب کروشیا نے آخری سیکنڈز میں گول کر کے مقابلہ برابر کرنے کا دعویٰ کیا، لیکن ویڈیو اسسٹنٹ ریفری کی جانچ کے بعد اس گول کو آف سائیڈ قرار دے کر مسترد کر دیا گیا۔

اس فیصلے پر کروشیا کے کھلاڑی حیران رہ گئے جبکہ پرتگال کی ٹیم نے جشن منایا۔ پرتگال کی اس جیت میں اسٹار کھلاڑی کرسٹینالڈو رونالڈو نے اہم کردار ادا کیا، جنہوں نے پینلٹی کک پر گول کر کے کروشیا کی برتری کو ختم کیا۔

یہ رونالڈو کے کیریئر کا ورلڈ کپ کے ناک آؤٹ مرحلے میں پہلا گول ہے۔ اس فتح کے بعد اب پیر کے روز ڈلاس میں پرتگال کا مقابلہ روایتی حریف اسپین سے ہوگا۔