نیمار کا بین الاقوامی فٹ بال سے ریٹائرمنٹ کا باضابطہ اعلان

برازیل کے مشہور اور ہمہ وقت سرکردہ اسکورر نیمار نے بین الاقوامی فٹ بال سے اپنی ریٹائرمنٹ کا باضابطہ اعلان کرتے ہوئے کہا ہے کہ اب قومی ٹیم کے ساتھ ان کا سفر ختم ہو چکا ہے۔

34 سالہ اسٹار فارورڈ نیمار نے کوپا سوڈامیریکا کے ایک میچ کے بعد میڈیا سے گفتگو کرتے ہوئے بین الاقوامی فٹ بال سے ریٹائرمنٹ کی تصدیق کر دی ہے۔

ان کی ٹیم سینٹوز نے وینزویلا کے کلب کو 4-2 سے شکست دی، جس کے بعد انہوں نے صحافیوں کو بتایا کہ انہوں نے برازیل کی زرد جرسی کے لیے ہمیشہ اپنا خون اور زندگی دی ہے اور اپنے ملک کے لیے تاریخ رقم کی ہے، جس پر وہ بے حد خوش ہیں، لیکن اب وہ قومی ٹیم کا حصہ نہیں رہنا چاہتے۔

یہ بھی پڑھیں : 6 مختلف ورلڈ کپ میں گول کرنے والے دنیا کے پہلے کھلاڑی کرسٹیانو رونالڈو الوداع کہہ گئے

برازیل کی ٹیم ناروے کے ہاتھوں شکست کے بعد ورلڈ کپ کی آخری 16 ٹیموں کی دوڑ سے باہر ہو گئی تھی، جس کے فوراً بعد ہی نیمار کے کیریئر کے بارے میں قیاس آرائیاں شروع ہو گئی تھیں۔

چار ورلڈ کپ کھیلنے والے نیمار نے اپنے بین الاقوامی کیریئر میں 130 میچوں میں 80 گول کیے اور 58 گول میں معاونت کی۔

انہوں نے سینٹوز، بارسلونا اور پیرس سینٹ جرمین جیسے بڑے کلبوں کی نمائندگی کی، تاہم قومی ٹیم کے ساتھ وہ صرف 2013 کا کنفیڈریشن کپ ہی جیت سکے۔