6 مختلف ورلڈ کپ میں گول کرنے والے دنیا کے پہلے کھلاڑی کرسٹیانو رونالڈو الوداع کہہ گئے

پرتگال کے لیجنڈ فٹ بالر کرسٹیانو رونالڈو نے اسپین کے خلاف میچ میں شکست کے بعد نم آنکھوں کے ساتھ ورلڈ کپ فٹ بال کیریئر کو الوداع کہہ دیا۔

ڈلاس کے گرم اور مرطوب موسم میں پرتگال کی اسپین کے ہاتھوں شکست کے بعد کرسٹیانو رونالڈو کا شاندار فیفا ورلڈ کپ کیریئر اختتام پذیر ہو گیا ہے۔

پیر کے روز کھیلا گیا یہ میچ آخری بار تھا، جب 41 سالہ رونالڈو فٹ بال کے سب سے بڑے عالمی ٹورنامنٹ میں اپنی ٹیم کی نمائندگی کر رہے تھے، انہوں نے اپنے کیریئر میں 6 مختلف ورلڈ کپ ایڈیشنز میں شرکت کی۔

میچ کے بعد رونالڈو نے افسوس کا اظہار کرتے ہوئے کہا کہ وہ اس طرح ورلڈ کپ کو الوداع کہنے پر اداس ہیں، لیکن انہوں نے اپنا سب کچھ ٹیم کے لیے لگایا اور وہ مطمئن ضمیر کے ساتھ جا رہے ہیں۔ انہوں نے تصدیق کی کہ یہ ان کا آخری ورلڈ کپ تھا اور اب وہ اپنی فیملی کے ساتھ وقت گزاریں گے۔

یہ بھی پڑھیں : برازیل کے اسٹار فٹبالر نیمار نے بین الاقوامی فٹبال سے ریٹائرمنٹ کا اعلان کر دیا

رونالڈو نے ابھی بین الاقوامی فٹ بال سے مکمل ریٹائرمنٹ کا اعلان نہیں کیا تاکہ ٹیم کی مہم متاثر نہ ہو۔ رونالڈو ورلڈ کپ کی تاریخ کے واحد کھلاڑی ہیں، جنہوں نے 6 مختلف ورلڈ کپ (2006، 2010، 2014، 2018، 2022، 2026) میں گول کیے۔

انہوں نے پرتگال کے لیے 27 میچوں میں 11 گول کیے اور وہ 41 سال 147 دن کی عمر میں ورلڈ کپ ناک آؤٹ تاریخ کے سب سے معمر گول اسکورر بھی بنے۔

دوسری جانب، ان کے روایتی حریف لیونل میسی نے 30 میچ کھیل رکھے ہیں اور وہ ارجنٹائن کی جانب سے اپنا دفاعی سفر جاری رکھیں گے۔

رونالڈو اب سعودی پرو لیگ میں النصر کے لیے کھیلتے رہیں گے، جبکہ پرتگال کے مینیجر رابرٹو مارٹنیز نے بھی اس شکست کے بعد اپنے عہدے سے استعفیٰ دے دیا ہے۔